Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 326 Hüküm no: 601 Orijinal metin no: [95b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Selman Ağa Vakfı’ndan Nikola b. Mihal’e ödünç verilmesi Vech-i tahrîr-i sicil budur ki Karye-i Kuzguncuk’dan Nikola b. Mihal zimmî meclis-i şer‘de merhûm Selman Ağa’nın vakıf akçesinden bin beş yüz akçe karz-ı hasenden ve yüz elli akçe kaftan bahâsından cem‘an bin altı yüz elli akçe târih-i hâze’l-kitâbdan sene-i kâmile tamâm olunca edâ etmek üzere aldım, dedikde meblağ-ı mesfûra Mustafa b. Abdullah ve Bâli b. Aslıhan kefîl bi’l-mâl oldular. Mezkûr Nikola dahi karye-i mezbûrede vâkı‘ olan ma‘lûmetü’l-hudûd mülk bağını alâ tarîkı’d-devri’l-vekîl meblağ-ı mesfûr sene-i kâmilede edâ olunmazsa bey‘ eylesinler, dedikde merhûm Selman Ağa mütevellîsi Süheyl b. Abdullah vech-i meşrûh üzere tasdîk eyleyip sebt-i sicil olundu. Tahrîren fî gurreti Muharremi’l-harâm sene erba‘ ve selâsîne ve tis‘a mi’e. Şuhûdü’l-hâl: Müezzin Mahmud b. İshak, Hızır b. Ahmed, Mustafa b. Karaca ve gayruhüm. [96a] boş sayfa [96b] boş sayfa [97a] boş sayfa