Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 330 Hüküm no: 613 Orijinal metin no: [100b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Selman Ağa Vakfı’ndan Şaban b. Mehmed’e borç verilmesi 500 Sebeb-i tahrîr-i sicil budur ki Merkūm zâviye mütevellîsi Süheyl b. Abdullah meclis-i şer‘de Şaban b. Mehmed mahzarında takrîr-i merâm kılıp eyitti ki, mezbûr zâviyeye vakf olan meblağdan beş yüz kaftan bahâsından ve elli akçe kaftan bahâsından cem‘an beş yüz elli akçe olur sene-i kâmile tamâm olunca edâ etmek üzere verdim dedikde mezbûr Şaban cemî‘ mâ-akarra bihîsinde tasdîk eyledikten sonra Karaman yerinde vâkı‘ olan bağımı mezbûr meblağa rehnim olsun dediği talebiyle sebt-i sicil olundu. Tahrîren fî evâili Muharremi’l-harâm sene ihdâ ve selâsîne ve tis‘a mi’e. Şuhûdü’l-hâl: İlyas b. İdris, Hacı Kırımî, Halvacı Hacı Mehmed, Ali b. Kemal.