Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 331 Hüküm no: 614 Orijinal metin no: [100b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Selman Ağa Vakfı’ndan Şaban b. Ramazan’a ödünç verilmesi 1000 Sebeb-i tahrîr-i sicil budur ki Merkūm mütevellî meclis-i şer‘de Şaban b. Ramazan mahzarında takrîr-i merâm kılıp eyitti ki, mezbûr meblağdan bin akçe karz-ı hasenden ve yüz akçe kaftan bahâsından cem‘an bin yüz akçe olur işbu târih-i kitâbdan sene-i kâmile tamâm olunca edâ etmek üzere verdim, dedikde merkūm Şaban mastûr mütevellîyi cemî‘ mâ-akarra bihîsinde tasdîk eyledikten sonra büyük bağımı meblağ-ı mezbûra rehin verdim, dedikde sebt-i sicil olundu. Tahrîren fî evâili Muharremi’l-harâm sene 931. Şuhûdü’l-hâl: Alagöz b. Hayyât, Hızır b. Yahşi, Halvâyi Hacı Mehmed, Fakih Hüseyin b. Hasan, ... ? Mahmud el-müezzin ve gayruhüm.