Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 331 Hüküm no: 616 Orijinal metin no: [101a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Selman Ağa Vakfı’ndan Muharrem b. Yunus’a ödünç verilmesi 700 Sebeb-i tahrîr-i sicil budur ki Mastûr zâviye mütevellîsi meclis-i şer‘de Muharrem b. Yunus mahzarında takrîr-i merâm kılıp eyitti ki, mezbûr zâviyeye vakf olan meblağdan yedi yüz karz-ı hasen ve yetmiş akçe kaftan bahâsından cem‘an yedi yüz yetmiş akçe olur târih-i kitâbın evvelinden sene-i kâmile tamâm olunca edâ etmek üzere verdim, dedikde merkūm Muharrem mastûr mütevellîyi cemî‘ mâ-akarra bihîsinde tasdîk eyledikten sonra meblağ-ı mezbûrun zararına Kāsım b. Abdullah kefîl bi’l-mâl olup sebt-i sicil olundu. Tahrîren fî evâili Muharremi’l-harâm sene ihdâ ve selâsîne ve tis‘a mi’e. Şuhûdü’l-hâl: Mahmud el-müezzin, Şaban Halife el-imâm, Hanîfi b. Dursun, Receb b. Mahmud, Hasan b. Ahmed ve gayruhüm.