Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 332 Hüküm no: 617 Orijinal metin no: [101a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Selman Ağa Vakfı’ndan Ali b. Kemal’e ödünç verilmesi 1.000 Sebeb-i tahrîr-i sicil budur ki Mezbûr zâviye mütevellîsi Süheyl b. Abdullah meclis-i şer‘de Ali b. Kemal mahzarında takrîr-i merâm kılıp eyitti ki, mezbûr zâviyeye vakf olan meblağdan bin akçe karz-ı hasen ve yüz akçe kaftan bahâsından cem‘an bin yüz akçe olur işbu târihu’l-kitâbdan sene-i kâmile tamâm olunca edâ etmek üzere verdim, dedikde mezbûr Ali mastûr mütevellîyi cemî‘ mâ-akarra bihîsinde tasdîk eyledikten sonra Halvâyi Mehmed b. Hacı Ali kefîl bi’l-mâl olup sebt-i sicil olundu. Tahrîren fî târihi’l-mezbûr sene ihdâ ve selâsîne ve tis‘a mi’e. Şuhûdü’l-hâl: Şaban b. Ramazan, Alagöz b. Abdullah, Mahmud el-müezzin ve gayruhüm mine’l-hâzırîn.