Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 333 Hüküm no: 621 Orijinal metin no: [101b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Selman Ağa Vakfı’ndan Kabil’e ödünç verilmesi 1.000 Sebeb-i tahrîr-i sicil budur ki Merkūm mütevellî meclis-i şer‘de Kābil el-müezzin mahzarında takrîr-i merâm kılıp eyitti ki, mezbûr zâviyenin vakıf meblağından bin akçe karz-ı hasenden ve yüz akçe kaftan bahâsından cem‘an bin yüz akçe olur işbu târihu’l-kitâbdan sene-i kâmile tamâm olunca edâ etmek üzere verdim, dedikde merkūm Kābil mastûr mütevellîyi cemî‘ mâ-akarra bihîsinde tasdîk eyledikten sonra merhûm Mehmed Paşa Câmi‘i mahallesinde medrese kurbunda el-ân içinde sâkin olduğum evim rehnim olsun ve Hanîfi b. Dursun mâla kefîlim olsun, dedikde talebiyle sebt-i sicil olundu. Tahrîren fî târihi’l-mezbûr ve sene-i mezbûr. Şuhûdü’l-hâl: Mahmud b. İshak, Şaban el-imâm, Siyah Behlül b. Kara Süleyman, Şaban en-neccâr, Mehmed b. Süleyman ve gayruhüm mine’l-hâzırîn.