Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 333 Hüküm no: 620 Orijinal metin no: [101b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Selman Ağa Vakfı’ndan Nazar b. Yahşi’ye ödünç verilmesi 1.000 Sebeb-i tahrîr-i sicil budur ki Merkūm mütevellî meclis-i şer‘de Nazar b. Yahşi mahzarında takrîr-i merâm kılıp eyitti ki, mezbûr zâviyeye vakf olan meblağdan bin akçe karz-ı hasenden ve yüz akçe kaftan bahâsından cem‘an bin yüz akçe olur sene-i kâmile tamâm olunca edâ etmek üzere verdim, dedikde mezkûr Nazar mastûr mütevellîyi cemî‘ mâ-akarra bihîsinde tasdîk eyledikten sonra Hoca mahallesinde vâkı‘ olan içinde sâkin [olduğum] evimi meblağ-ı mezbûra rehnim olsun dediği ecilden sebt-i sicil olundu. Tahrîren fî evâili Muharremi’l-harâm sene 931. Şuhûdü’l-hâl: Şaban Halife el-imâm, Mehmed b. Süleyman, Mustafa b. Bahadır, Mustafa b. Abdullah ve gayruhüm mine’l-hâzırîn.