Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 334 Hüküm no: 623 Orijinal metin no: [102a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Selman Ağa Vakfı’ndan Kara Behlül b. Siyah Süleyman’a ödünç verilmesi Sebeb-i tahrîr-i sicil budur ki Mastûr mütevellî meclis-i şer‘de Kara Behlül b. Siyah Süleyman mahzarında takrîr-i merâm kılıp eyitti ki, merhûm Selman Ağa vakf ettiği meblağdan bin akçe karz-ı hasen ve yüz akçe kaftan bahâsından cem‘an bin yüz akçe olur işbu târihu’l-kitâbdan ilâ tamâmi Zilhicce edâ etmek üzere verdim, dedikde merkūm Behlül bi’l-muvâcehe cemî‘ mâ-akarra bihîsinde tasdîk eyledikten sonra meblağ-ı mezbûrun zararına İsmail b. Gündüz kefîl bi’l-mâl olduğu talebiyle sebt-i sicil olundu. Tahrîren fî evâili Muharremi’l-harâm sene 931. Şuhûdü’l-hâl: Resul el-Haddâd, Musa b. Kutbeddin, Hacı b. Timurhan, Mehmed b. Süleyman ve gayruhüm mine’l-müslimîn.