Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 335 Hüküm no: 624 Orijinal metin no: [102a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Selman Ağa Vakfı’ndan Burhan b. Taşdemir’e ödünç verilmesi 1.000 Sebeb-i tahrîr-i sicil budur ki Mezbûr zâviye mütevellîsi meclis-i şer‘de karye-i Bulgurlu’da mütemekkin Burhan b. Taşdemir mahzarında takrîr-i merâm kılıp eyitti ki, mezbûr zâviyenin vakıf meblağından bin akçe karz-ı hasen ve yüz akçe kaftan bahâsından cem‘an bin yüz akçe olur işbu târihu’l-kitâbdan sene-i kâmile tamâm olunca edâ etmek üzere verdim, dedikde merkūm Burhan mastûr mütevellîyi cemî‘ mâ-akarra bihîsinde tasdîk eyledikten sonra el-ân içinde sâkin olduğum evi rehin verip ve mâla kefîlim Şeyh Paşa olup sebt-i sicil olundu. Tahrîren fî târihi’l-mezbûr [ve] seneti’l-mezkûr. Şuhûdü’l-hâl: Turahan b. Süleyman, Şaban Halife el-imâm, Mahmud el-müezzin, Ali b. Hasan, Nasuh b. Hasan, Şaban b. Bayezid ve gayruhüm