Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 335 Hüküm no: 626 Orijinal metin no: [102a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Selman Ağa Vakfı’ndan Hacı b. Yusuf’a ödünç verilmesi 1.000 Sebeb-i tahrîr-i sicil budur ki Mezkûr mütevellî meclis-i şer‘de Hacı b. Yusuf mahzarında takrîr-i merâm kılıp eyitti ki, mezbûr zâviyeye vakf olan meblağdan bin akçe karz-ı hasenden ve yüz akçe kaftan bahâsından cem‘an bin yüz akçe olur işbu târihu’l-kitâbdan sene-i kâmile tamâm olunca edâ etmek üzere verdim, dedikde mezkûr Hacı, merkūm mütevellîyi bi’l-muvâcehe cemî‘ mâ-akarra bihîsinde tasdîk eyledikten sonra mezkûr meblağa el-ân taht-ı tasarrufumda olan mülk bağımı rehin olsun, dedikde sebt-i sicil olundu. Tahrîren fî evâili Muharremi’l-harâm sene ihdâ ve selâsîne ve tis‘a mi’e. Şuhûdü’l-hâl: Ali b. İsa, İbrahim b. Çıplak Mehmed, Şeyh Paşa b. Hasan, Müezzin Mahmud ve gayruhüm.