Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 336 Hüküm no: 627 Orijinal metin no: [102b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Selman Ağa Vakfı’ndan Şaban Bayezid’e ödünç verilmesi 500 Sebeb-i tahrîr-i sicil budur ki Merkūm zâviye mütevellîsi Süheyl b. Abdullah meclis-i şer‘de karye-i Kısıklı’dan Şaban Bayezid mahzarında takrîr-i merâm kılıp eyitti ki, zâviye-i mezbûrun vakıf meblağından beş yüz karz-ı hasenden ve elli akçe kaftan bahâsından cem‘an beş yüz elli akçe olur sene-i kâmile tamâm olunca edâ etmek üzere verdim, dedikde bi’l-muvâcehe cemî‘ mâ-akarra bihîsinde tasdîk eyledikten sonra meblağ-ı mezbûrun zararına babası Bayezid ve Yusuf b. Hamza kefîl bi’l-mâl oldukları talebleriyle sebt-i sicil olundu. Tahrîren fî Muharremi’l-harâm sene ihdâ ve selâsîne ve tis‘a mi’e. Şuhûdü’l-hâl: Ali Haddâd, Aşık Paşa b. Hasan, Burhan b. Hasan, Şaban el-imâm ve gayruhüm.