Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 337 Hüküm no: 629 Orijinal metin no: [102b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Selman Ağa Vakfı’ndan Hüseyin b. Mehmed’e ödünç verilmesi 1.500 Sebeb-i tahrîr-i sicil budur ki Zâviye-i Selman Ağa mütevellîsi Süheyl b. Abdullah meclis-i şer‘de işbu Hüseyin b. Mehmed mahzarında takrîr-i merâm kılıp eyitti ki, merhûm, mezbûr zâviyeye vakf ettiği meblağdan bin beş yüz karz-ı hasenden ve yüz elli kaftan bahâsından cem‘an bin altı yüz elli akçe olur işbu târihu’l-kitâbdan sene-i kâmile tamâm olunca edâ etmek üzere verdim, dedikde merkūm Hüseyin mastûr mütevellî[yi] cemî‘ mâ-akarra bihîsinde tasdîk eyledikten sonra Bulgurlu mahallesinde el-ân içinde sâkin olduğum evim zimmetimde olan meblağa rehnim olsun, dediği sebt-i sicil olundu. Tahrîren fî evâili Muharremi’l-harâm sene ihdâ ve selâsîne ve tis‘a mi’e. Şuhûdü’l-hâl: Kara Mahmud b. Yusuf, Mahmud el-müezzin, Şaban Halife el-imâm, Ramazan b. Hacı Mustafa, Lütfi Fakih b. merhûm İsa Fakih.