Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 336 Hüküm no: 628 Orijinal metin no: [102b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Selman Ağa Vakfı’ndan Mustafa b. Hamza’ya ödünç verilmesi 1.000 Sebeb-i tahrîr-i sicil budur ki Mustafa b. Hamza meclis-i şer‘de mezbûr zâviye mütevellîsi Süheyl mahzarında takrîr-i merâm kılıp eyitti ki, merkūm zâviyenin vakıf meblağından bin akçe karz-ı hasenden ve yüz akçe kaftan bahâsından bin yüz akçe olur aldım ve meblağ-ı mezbûra birâderim Ali el-Haddâd kefîl bi’l-mâl oldu, dedikde mezbûr, merkūm Mustafa bi’l-muvâcehe cemî‘ mâ-akarra bihîsinde tasdîk eyledikten sonra talebiyle sebt-i sicil olundu. Tahrîren fî târihi’l-mezbûr. Şuhûdü’l-hâl: Aşık b. Hasan ve Burhan beniyy-i Hasan, Yusuf b. Hamza, Bayezid b. Kāsım, Şaban b. Bayezid ve gayruhüm.