Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 338 Hüküm no: 632 Orijinal metin no: [103a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Selman Ağa Vakfı’ndan Timurhan b. İsmail’e ödünç verilmesi Sebeb-i tahrîr-i sicil budur ki Mezbûr zâviye mütevellîsi Süheyl b. Abdullah meclis-i şer‘de Timurhan b. İsmail mahzarında takrîr-i merâm kılıp eyitti ki, merhûm Selman Ağa vakf ettiği meblağdan bin akçe karz-ı hasenden ve yüz akçe kaftan bahâsından cem‘an bin yüz akçe olur işbu târihu’l-kitâbdan ilâ âhıri Zilhicce edâ etmek üzere verdim, dedikde merkūm Timurhan bi’l-muvâcehe cemî‘ mâ-akarra bihîsinde tasdîk eyledikten [sonra] el-ân taht-ı tasarrufumda olan mülk bağım meblağ-ı mezbûra rehnim olsun, dediği sebt-i sicil olundu. Tahrîren fî târihi’l-mezbûr ve seneti’l-mezkûr. Şuhûdü’l-hâl: Resul el-Haddâd, Mehmed b. Süleyman, Mahmud el-müezzin ve gayruhüm mine’l-müslimîn.