Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 338 Hüküm no: 633 Orijinal metin no: [103a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Selman Ağa Vakfı’ndan Dîvâne Hüseyin b. Hasan’a ödünç verilmesi Sebeb-i tahrîr-i sicil budur ki Merhûm Selman Ağa zâviyesine mütevellî olan Süheyl b. Abdullah meclis-i şer‘de işbu Dîvâne Hüseyin b. Hasan mahzarında takrîr-i merâm kılıp eyitti ki, merhûm vakf ettiği meblağdan bin akçe karz-ı hasenden ve yüz akçe kaftan bahâsından cem‘an bin yüz akçe olur işbu târihu’l-kitâbdan ilâ âhıri Zilhicce edâ etmek üzere verdim, dedikde mezbûr Hüseyin bi’l-muvâcehe cemî‘ mâ-akarra bihîsinde tasdîk eyledikten sonra meblağ-ı mezbûrun zararına Hacı Mustafa Na‘âl kefîl bi’l-mâl olup sebt-i sicil olundu. Tahrîren fî evâili Muharremi’l-harâm sene ihdâ ve selâsîne ve tis‘a mi’e. Şuhûdü’l-hâl: Timurhan b. İsmail, Mehmed b. Süleyman, Hacı b. Timurhan, Mahmud el-müezzin ve gayruhüm mine’l-müslimîn.