Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 341 Hüküm no: 640 Orijinal metin no: [104a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Selman Ağa Vakfı’ndan İlyas b. İsa Fakih’e ödünç verilmesi Vech-i tahrîr-i sicil budur ki Süheyl b. Abdullah meclis-i şer‘de İlyas b. İsa Fakih mahzarında iki yüz elli akçe karz-ı hasenden ve yirmi beş akçe kaftan bahâsından cem‘an iki yüz yetmiş beş akçe târih-i hâze’l-kitâbdan sene-i kâmile tamâm olunca edâ etmek [üzere] verdim, dedikde mezkûr İlyas dahi vech-i meşrûh üzere mukır olduktan sonra Haddâd Ahmed b. Abdullah kefîl bi’l-mâl olup sebt-i sicil olundu. Tahrîren fî gurreti Muharremi’l-harâm sene erba‘ ve selâsîne ve tis‘a mi’e. Şuhûdü’l-hâl: Kemal b. Gündüz, Şaban b. Ramazan, Lütfi Halife b. İsa Fakih, Kara Şücâ‘ b. İdris ve gayruhüm.