Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 341 Hüküm no: 641 Orijinal metin no: [104a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Selman Ağa Vakfı’ndan Pabuçcu Hasan b. İsmail’e ödünç verilmesi Vech-i tahrîr-i sicil budur ki Selman Ağa mütevellîsi Süheyl b. Abdullah meclis-i şer‘de Pabuçcu Hasan b. İsmail mahzarında vakıf akçeden beş yüz akçe karz-ı hasenden ve elli akçe kaftan bahâsından cem‘an beş yüz elli akçe târih-i hâze’l-kitâbdan sene-i kâmile tamâm olunca edâ etmek üzere verdim, dedikde mezkûr Hasan dahi vech-i meşrûh üzere mukır olduktan sonra meblağ-ı mesfûra Şah Bâli b. Ahmed kefîl bi’l-mâl olup sebt-i sicil olundu. Tahrîren fî gurreti Muharremi’l-harâm sene 934. Şuhûdü’l-hâl: Kassâb Karaca b. Sarıca, Kulağuz b. Aslıhan, Mehmed b. Süleyman, Ramazan b. Mehmed ve gayruhüm.