Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 342 Hüküm no: 643 Orijinal metin no: [104b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Selman Ağa Vakfı’ndan Habbâz Hacı b. Yusuf’a ödünç verilmesi Vech-i tahrîr-i sicil budur ki Selman Ağa mütevellîsi Süheyl b. Abdullah meclis-i şer‘de kasaba-i Üsküdar’dan Habbâz Hacı b. Yusuf mahzarında bin akçe karz-ı hasenden ve yüz akçe kaftan bahâsından târih-i hâze’l-kitâbdan sene-i kâmile tamâm olunca edâ etmek üzere bin yüz akçeyi verdim, dedikde mezkûr Hacı dahi vech-i meşrûh üzere mukır olduktan sonra meblağ-ı mesfûra Sofi’den aldığım rehin olsun, dedikde merkūm mütevellî dahi vech-i meşrûh üzere tasdîk [edip] sebt-i sicil olundu. Tahrîren fî gurreti Muharremi’l-harâm sene erba‘ ve selâsîne ve tis‘a mi’e. Şuhûdü’l-hâl: Şaban Halife b. Ramazan, İlyas b. Abdullah, Nazar b. Yahşi, Pîri b. Hızır Sofi ve gayruhüm.