Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 341 Hüküm no: 642 Orijinal metin no: [104a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Selman Ağa Vakfı’ndan İlyas b. Abdullah’a ödünç verilmesi Vech-i tahrîr-i sicil budur ki Selman Ağa mütevellîsi Süheyl b. Abdullah şer‘-i şerîf meclisinde kasaba-i Üsküdar’dan Hacı Mehmed mahallesinden İlyas b. Abdullah muvâcehesinde şöyle takrîr-i kelâm kılıp eyitti ki, merhûm Selman Ağa’nın vakıf akçesinden beş yüz akçe karz-ı hasenden ve elli akçe kaftan bahâsından cem‘an beş yüz elli akçe târih-i hâze’l-kitâbdan sene-i kâmile tamâm olunca edâ etmek üzere verdim, dedikde mezkûr mütevellî dahi vech-i meşrûh üzere mukır olup sebt-i sicil olundu. Tahrîren fî gurreti Muharremi’l-harâm sene 934. Şuhûdü’l-hâl: Bâli b. Aslıhan, Dolabî Yunus b. İbrahim, İbrahim b. Abdullah ve gayruhüm.