Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 351 Hüküm no: 668 Orijinal metin no: [107b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mevlâna Deniz Çelebi’nin vakfettiği paradan Mehmed b. Hamza’ya ödünç verilmesi Vech-i tahrîr-i sicil budur ki, Kasaba-i Üsküdar’dan Şücâ‘ Fakih b. İvaz meclis-i şer‘de karye-i Dudullu’dan Mehmed b. Hamza Bey mahzarında Mevlâna Deniz Çelebi vakf eylediği akçeden altı yüz elli akçe karz-ı hasenden ve doksan yedi buçuk akçe kaftan bahâsından cem‘an yedi yüz kırk yedi buçuk akçeyi târih-i hâze’l-kitâbdan sene-i kâmile tamâm olunca edâ etmek üzere verdim, dedikde zikr olunan Mehmed vech-i meşrûh üzere mukır olduktan sonra meblağ-ı mesfûra İsa b. Fazlullah kefîl bi’l-mâl olup sebt-i sicil olundu. Tahrîren fî 10 Recebi’l-mürecceb sene 932. Şuhûdü’l-hâl: Kulağuz b. Aslıhan, Hasan b. Müezzin, Memi b. Süleyman, Burak Reis b. Mehmed ve gayruhüm.