Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 352 Hüküm no: 669 Orijinal metin no: [107b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mevlâna Deniz Çelebi’nin vakfettiği paradan Ramazan b. Süleyman’a ödünç verilmesi Vech-i tahrîr-i sicil budur ki Kasaba-i Üsküdar’dan Şücâ‘ Fakih b. İvaz meclis-i şer‘de Gekvize tevâbi‘inden karye-i Dudullu’dan Ramazan b. Süleyman mahzarında Mevlâna Deniz Çelebi Efendi vakf eylediği akçeden bin akçe karz-ı hasenden ve yüz elli akçe kaftan bahâ­sından cem‘an bin yüz elli akçe olur, dedikde mezkûr Ramazan dahi vech-i meşrûh [üzere] zikr olunan akçeye târih-i hâze’l-kitâbdan sene-i kâmile tamâm olunca vermek üzere aldım, dedikden sonra meblağ-ı mesfûra Na‘âl Şaban b. Mehmed kefîl bi’l-mâl olup sebt-i sicil olundu. Tahrîren fî 15 Recebi’l-mürecceb sene 932. Şuhûdü’l-hâl: İsa b. Gaybi, Kemal b. Gündüz, Hasan b. Turmuş ve gayruhüm.