Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 352 Hüküm no: 670 Orijinal metin no: [107b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mevlâna Deniz Çelebi’nin vakfettiği paradan Nazar b. Oruç’a ödünç verilmesi Vech-i tahrîr-i sicil budur ki Kasaba-i Üsküdar’dan Mevlâna Şücâ‘ Fakih b. İvaz meclis-i şer‘de Mevlâna Deniz Çelebi’nin vakıf akçesinden işbu Nazar b. Oruç iki bin akçe karz-ı hasenden ve üç yüz akçe kaftan bahâsından cem‘an iki bin üç yüz akçeyi sene-i kâmile tamâm olunca edâ etmek üzere verdim, dedikde mezkûr Nazar Reis vech-i meşrûh üzere mukır olduktan sonra meblağ-ı mesfûra babası Oruç kefîl bi’l-mâl olup sebt-i sicil olundu. Tahrîren fî Recebi’l-mürecceb sene 932. Şuhûdü’l-hâl: Mevlâna İbrahim Halife el-hatîb, Mehmed b. Süleyman, Süleyman b. Yusuf, Kulağuz b. Aslıhan ve gayruhüm.