Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 105 Hüküm no: 109 Orijinal metin no: [13a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İskender b. Abdullah’ın Ahmed b. Abdullah’ın ölen kiralık ineğini tazmin etmesi Sebeb-i tahrîr-i sicil budur ki İskender b. Abdullah şer‘-i şerîf meclisine Ahmed b. Abdullah nâm kimesneyi ihzâr eyleyip üzerine takrîr-i merâm kılıp eyitdi ki mezbûr Ahmed’e icâreye gütmeğe bir inek verdim idi mezbûr Ahmed dahi gayrıya vermiş te‘addî eylemiş inek helâk olmuş merkūm Ahmed’den inek bahâsını taleb ederim deyicek merkūm Ahmed mezkûr İskender’e senin ma‘rifetin ile verdim dedikde şâhidden âciz olup İskender’e yemîn verilip bahâ-i inek hükm olunup tescîl olundu. Şuhûdü’l-hâl: Halil ( ) ve Bâli b. Aslıhan ve İbrahim b. Gündüz ve Hasan b. Abdullah ve gayruhüm.