Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 105 Hüküm no: 110 Orijinal metin no: [13a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Todora ve Yorgi b. Manol’ün Yahya b. İbrahim’e sattıkları evi kiraladığı Sebeb-i tahrîr-i sicil oldur ki Todora ve Yorgi b. Manol şer‘-i şerîf meclisinde ikrâr ve i‘tirâf kılıp eyitdiler ki işbu sâhibü’s-sicil Yahya b. İbrahim nâm yahudiye karye-i İstavros’da sâkin olduğumuz evi ve karye-i Kuzguncuk’ta mahdûd mülk bağımızı üç bin altı yüz akçeye bey‘ eyledik semen-i mezbûru kabz eyledik ve mezbûr evi yılda altı yüz akçeye icâreye alıp her senede altı yüz akçe vermeye iltizâm eyledik dediklerinden sonra mezbûrân Todora ve Yorgi nâm zimmîleri merkūm Yahya bi’l-muvâcehe tasdîk mezbûrların ikrârları istimâ‘ olunup sebt-i sicil olundu. Tahrîren fî evâhiri Muharremi’l-harâm sene 941. Şuhûdü’l-hâl: Bâli [b.] Aslıhan ve Mustafa b. Yusuf ve Ali b. Ahmed ve Durmuş b. Dündar ve gayruhüm.