Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 147 Hüküm no: 244 Orijinal metin no: [29b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Todora’nın ölen Zekeriya’ya olan borcunun muhzır Kılavuz’a havale olunduğu Sebeb-i tahrîr-i sicil budur ki Karye-i Kuzguncuk’tan Todora nâm kara oğlan meclis-i şer‘de ikrâr edip dedi ki kasaba-i Üsküdar’da müteveffâ Zekeriya nâm kimesne[ye] beş yüz akçe deynim var idi iki yüz akçesin hâl-i hayâtında edâ eyledim bâkī üç yüz akçe zimmetimde deyn-i lâzımedir deyicek mukırr-ı mezbûru mukarrun lehü’l-mezbûr İskender bi’l-muvâcehe tasdîk edip bi’t-taleb tescîl olundu. Şuhûdü’l-hâl: Lütfi Çelebi b. Hüseyin ve Süleyman b. Kasap ve Bâli b. Aslıhan ve gayruhüm. Zikr olan meblağa muhzır Kılavuz havâle olundu.