Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 165 Hüküm no: 308 Orijinal metin no: [37a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. [Emir b.] Çepni’nin Odacı Yani’den alacaklı olduğu Vech-i tahrîr-i hurûf oldur ki Çepni oğlu ile Odacı Yani meclis-i şer‘de hâzırân mezbûr Çepni merkūm Yani’den karz-ı hasenden iki bin akçe alım taleb edicek mezbûr Yani bin akçeliğe ikrâr edip ve bin [akçe]si için mezbûr Çepni’den beyyine taleb olundukda udûl-i müslimînden Hasan b. Sagīr ve Şaban b. Mehmed ve Ali b. Musa ve Sâdık b. Mustafa şehâdetleri ile bin akçe dahi sâbit olup mâ hüve’l-vâkī‘ bi’t-taleb tescîl olunup zikr olan meblağın ahz[ına] muhzır Kılavuz havâle olundukda tescîl olundu. Şuhûdü’l-hâl: Dede b. Hasan ve Sefer b. Yusuf ve Safâ b. Mehmed ve gayruhüm.