Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 172 Hüküm no: 333 Orijinal metin no: [40a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Süleyman b. Ali ile Hacı Lütfi b. Hacı Hüseyin’in alacak verecek konularında sulh oldukları Sebeb-i tahrîr-i sicil oldur ki Süleyman b. Ali şer‘-i şerîf-i Nebevî ve Dîvân-ı lâtîf-i Ahmedî meclisinde bi’t-tav‘ ve’r-rızâ ikrâr ve i‘tirâf kılıp eyitdi ki işbu sâhibü’s-sicil Hacı Lütfi b. Hacı Hüseyin nâm kimesne ile babam zamânından ve kendi zamânımda defâ‘atle alış ve veriş ettikde hâliyâ mezkûr Hacı Lütfi zimmetinde bir akçem ve bir habbem kalmadı min ba‘d mezkûr ile akçe husûsunda da‘vâm ve nizâ‘ım yoktur ve eğer olursa ınde’ş-şer‘ istimâ‘ olunmaya deyicek mukırr-ı mezbûru mukarrun lehü’l-mezbûr Hacı Lütfi bi’l-muvâcehe tasdîk edip mezbûr Süleyman ile alışdan verişten haklaştık üzerimde bir akçesi yoktur dedikden sonra mezkûrların [ikrârları] istimâ‘ olunup mezkûr Hacı [bi]’t-taleb mâ hüve’l-vâkī‘ tescîl olundu. Tahrîren fî evâili Ramazâni’l-mübârek sene 941. Şuhûdü’l-hâl: Kılavuz b. Aslıhan ve Hızır b. Ahmed ve Hoca Kābil b. Abdullah ve Mütevellî Şahkulu b. Mehmed ve Sungur b. Dursun ve Dede b. Hasan ve Hüsrev b. Yakub Fakīh ve kâtibü’l-hurûf Abdülkādir b. Sâlih ve gayruhüm.