Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 174 Hüküm no: 336 Orijinal metin no: [40b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kosta b. Yorgi’nin Emir b. Çepni’ye olan borcuna Ali b. Abdullah’ın kefil olduğu Vech-i tahrîr-i hurûf oldur ki Karye-i Kadı’dan Kosta b. Yorgi şer‘-i şerîf meclisinde ikrâr [ve] i‘tirâf kılıp eyitdi ki işbu Emir b. Çepni’ye lâzımü’l-edâ ve vâcibü’l-îfâ karz-ı hasenden iki bin [akçe] deynim vardır deyicek mukırr-ı mezbûru mukarrun lehü’l-mezbûr Emir bi’l-muvâcehe tasdîk ettikden sonra meblağ-ı mezbûrun bin akçesine karye-i mezbûreden Ali b. Abdullah kefîl bi’l-mâl oldum dedikde alâ mâ hüve’l-vâkī‘ Emir b. Çepni talebiyle tescîl olundu. Tahrîren fî evâili Cemâziyelâhir sene 941. Şuhûdü’l-hâl: Mustafa b. İlyas ve Sinan b. Mustafa ve Abdi b. Hasan ve Kara Bey b. Abdi ve gayruhüm.