Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 216 Hüküm no: 481 Orijinal metin no: [56b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İbrahim Ağa Vakfı’ndan Mustafa b. Yahya’ya ödünç verildiği Sicill-i Vakf-ı İbrahim Ağa Vech-i tahrîr-i hurûf oldur ki İşbu Mustafa b. Yahya meclis-i şer‘de ikrâr ve i‘tirâf kılıp eyitdi ki İbrahim Ağa vakıf akçesinden vakf-ı mezbûra mütevellî olan İbrahim b. Gündüz’e lâzımü’l-edâ ve vâcibü’l-îfâ üç yüz akçe deynim vardır ve otuz akçe dahi destmâl bahâsından cem‘an üç yüz otuz akçe deynim vardır dedikden sonra mukırr-ı mezbûru mukarrun lehü’l-mezbûr İbrahim bi’l-muvâcehe tasdîk edip tescîl olundu. Tahrîren fî evâili Şevvâli’l-mükerrem sene 941. Şuhûdü’l-hâl: Mahmud b. Mustafa ve Bâli b. Aslıhan ve gayruhüm.