Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 217 Hüküm no: 482 Orijinal metin no: [57a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İbrahim Ağa Vakfı’ndan Mahmud b. Mehmed’e ödünç verildiği Sicill-i Vakf-ı İbrahim Ağa Sebeb-i tahrîr-i sicil budur ki Mahmud b. Mehmed şer‘-i şerîf meclisinde ikrâr ve i‘tirâf kılıp eyitdi ki merhûm İbrahim Ağa vakıf akçesinden işbu evkāf-ı mezbûreye câbi olan İbrahim b. Gündüz’e dört bin akçe deynim vardır ve üç yüz elli akçe dahi kaftan bahâsından cem‘an dört bin üç yüz elli akçe lâzımü’l-edâ ve vâcibü’l-kazâ deynim vardır deyicek mukırr-ı mezbûru mukarrun lehü’l-mezbûr [İbrahim] bi’l-muvâcehe tasdîk edip bi’t-taleb tescîl olundu. Tahrîren fî evâili Şevvâli’l-mükerrem sene 941. Şuhûdü’l-hâl: Sarıca Hasan b. Abdullah ve Mürüvvet Reis b. Mehmed ve Lütfi b. Kemal ve gayruhüm.