Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 248 Hüküm no: 584 Orijinal metin no: [68b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Yusuf b. İsmail’in ev ve ineğini annesi Fatma’ya hibe ettiği Sebeb-i tahrîr-i sicil budur ki Karye-i Nerdübanlı’dan Yusuf b. İsmail fevt olup beyne’l-verese metrûkâtının taksîmine şürû‘ olundukda müteveffâ-yı mezbûrun anası Fatma takrîr-i da‘vâ kılıp eyitdi ki merhûm oğlum hâl-i hayâtında ma‘lûmü’l-hudûd ınde cîrânihâ bir mülk evini ve bir ineği bana hibe ve temlîk eyledi ben kabûl ve kabz ettim deyicek elân mevhûblar benim mülkümdür deyicek müteveffâ-yı mezbûrun bâkī vârisleri Şaban ve İslim nâm hâtun mezkûr Fatma’yı takrîr-i mâ zükire bihâsında bi’l-muvâcehe tasdîk edip ve ba‘de’t-taleb mâ hüve’l-vâkī‘ tescîl olundu. Târihü’l-mezbûr, Şuhûdü’l-mezkûr.