Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 260 Hüküm no: 620 Orijinal metin no: [72b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kasap Karaca b. Abdullah’ta bulunan Safiye bt. el-Hacı’nın yetimlerine ait paranın yarısının vasî Ferrus b. Abdullah’a verilmesi Sicill-і Ferrus ma‘a Kasap Vech-i kaziyye budur ki Mahrûse-i İslâmbol’da Sâfiye bt. el-Hacı Kıssahân fevt olup rızkı yetimlerine müteveccih olup mezkûrân yetimler cânibinden Ferrus b. Abdullah meclis-i şer‘a Kasap Karaca b. Abdullah ile hâzırân olup mezkûr Ferrus mezkûr Karaca üzerine takr[îr]-i merâm kılıp dedi ki mezkûrân yetimlerin karz-ı hasenden sende on dört bin akçeleri vardır taleb ederim deyicek mezkûr Karaca’dan su’âl olundukda bi’l-mukābele cevâb verip dedi ki mezkûrân yetimlerin bende on dört bin akçeleri vardır amma bi tarîk-i mudârebedir deyicek mudârebe olduğu takdîrce meblağ-ı mezbûrun nısfı mezkûr Ferrus’a hükm olunup tescîl olundu. Tahrîren fî 3 Saferi’l-muzaffer li sene isnâ ve erba‘în ve tis‘a mi’e. Şuhûdü’l-hâl: Şaban v. Musa, Lütfi b. Mehmed, Behrâm b. Abdullah, Süleyman b. Mustafa ve muhzır Mustafa ve gayruhüm.