Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 262 Hüküm no: 625 Orijinal metin no: [73b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed Bey b. Abdullah’ın yetimlerine ait bazı eşyaların vasî olan Minnet’te kaldığı Vech-i kaziyye budur ki Hüsam Bey b. Abdullah Mustafa b. Minnet ile mahfil-i şer‘de hâzırân olup mezkûr Hüsam Bey mezkûr üzerine takrîr-i merâm kılıp dedi ki Ahmed Bey b. Abdullah fevt olup yetimlerine babası Minnet vasî olup hâliyâ ne mikdâr akçe ve esbâb zabt olunmuştur deyicek defterlerin getirip hesâb olundukda mezkûr Mustafa’nın [ba]bası Minnet mezbûr Ahmed Bey yetimlerinin cem‘an on dört bin beş yüz akçelik esbâb mezkûr Minnet zimmetinde bulunup mezkûr Hüsam Bey talebiyle sicil olundu. Tahrîren fî evâili Saferi’l-muzaffer li sene isnâ ve erba‘în ve tis‘a mi’e. Şuhûdü’l-hâl: Ali b. Hamza, Şaban b. Yusuf, Turâbî b. Hamza, Burhan b. Hamza ve muhzır Kılavuz ve gayruhüm.