Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 262 Hüküm no: 626 Orijinal metin no: [73b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Minnet’in satın aldığı câriyenin Hüsam Bey’e ait olduğu Vech-i kaziyye budur ki Hüsam Bey b. Abdullah şer‘ mahfiline Mustafa b. Minnet ihzâr edip üzerine takrîr-i da‘vâ kılıp dedi ki baban Minnet müdebber edip âzâd eylediği câriye bundan akdem Ahmed Bey b. Abdullah fevt olup hâliyâ yetimlerine intikāl eylemiştir mezbûr câriyeyi mezkûr Minnet bey‘-i men-yezîd olmadan almıştır deyicek mezkûr Mustafa’dan istifsâr olundukda bi’l-mukābele bey‘-i men-yez[îd] olduğunu bilmezim deyicek ikrâr mezkûr Hüsam Bey talebiyle sicil olundu. Tahrîren fî evâili Saferi’l-muzaffer li sene isnâ ve erba‘în ve tis‘a mi’e. Şuhûdü’l-hâl: Mâ sebak. Zikr olan câriyeyi mezkûr Hüsam Bey ben yetimler[den] aldım benimdir deyicek ikrâr mezkûr Mustafa talebiyle sicil olundu.