Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 263 Hüküm no: 629 Orijinal metin no: [74a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Gülşah bt. Abdullah’ın Dranoz b. Gamrickoz’dan alacaklı olduğu Sebeb-i tahrîr-i sicil budur ki Gülşâh bt. Abdullah mahfil-i şer‘a Dranoz b. Gamrickoz hâzırân olup karz-ı hasenden üç yüz akçe taleb eyledikde mezkûr Gamrickoz’dan istifsâr olundukda bi’l-mukābele inkâr ile gıbbe’l-inkâr mezbûre Gülşâh’ın da‘vâsına muvâfık beyyine taleb olundu udûl-i müslimînden Halil ve Ahmed şehâdet için hâzırân olup edâ-i şehâdet edip dediler ki bundan akdem mezbûre Gülşâh mezkûr Gamrickoz’dan meblağ-ı mezbûru taleb eyledikde yüz elli akçesini bi tarîk-i musâlaha yüz elli akçesini vermeye mültezim oldu deyû şehâdet eyledikden sonra şehâdetleri ba‘de’t-tezkiyye hayyiz-i kabûlde vâkī‘ oldukda meblağ-ı mezbûr mezbûre Gülşâh[’a] hükm olunup sicil olundu. Tahrîren fî evâili Saferi’l-muzaffer li sene isnâ ve erba‘în ve tis‘a mi’e. Şuhûdü’l-hâl: Muhzır Kılavuz ve Mustafa b. ( ) ve Hızır b. ( ) ve gayruhüm.