Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 264 Hüküm no: 630 Orijinal metin no: [74a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Subaşı Mustafa’nın Hasan b. Hızır’dan koyun vergisinden alacaklı olduğu Vech-i kaziyye budur ki Üsküdar subaşısı Mustafa kasaba-i mezbûrdan Hasan b. Hızır ile meclis-i şer‘a hâzırân olup mezkûr Mustafa mezkûr üzerine takrîr-i da‘vâ kılıp dedi ki bu yıl ile üç senedir ki mezkûrdan resm-i ganem almadım hâliyâ taleb ederim deyicek mezkûr Hasan’dan istifsâr olundukda bi’l-mukābele ikrâr eyledikden sonra hesâb olunup mezkûr Hasan’ın zimmetinde cem‘an resm-i ganemden bin yüz akçe hak müteveccih olup meblağ-ı mezbûru mezkûr Hasan mezkûr subaşıya vermeye mültezim olup sicil olundu. Tahrîren fî ev[â]ili Saferi’l-muzaffer li sene 942. Şuhûdü’l-hâl: Ali b. Musa, Muharrem b. Yusuf, muhzır Kılavuz b. Aslıhan ve gayruhüm. Def‘a Sicill-i Selman Ağa