Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 280 Hüküm no: 683 Orijinal metin no: [80a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yani b. Hıristodoros’un Kurt b. Abdullah’ı dövdüğü Sebeb-i tahrîr-i sicil budur ki Karye-i (...) Kurt b. Abdullah karye-i Tuzla’dan Yani b. Hıristodoros[’u] ihzâr edip üzerine takrîr-i da‘vâ kılıp dedi ki mezkûr Yani beni muhkem let edip ve bıçak ile karnıma soğludu hâliyâ taleb ederim deyicek mezkûr Yani’den istifsâr olundukda bi’l-mukābele inkâr eyledi gıbbe’l-inkâr müdde‘î-i mezbûrun da‘vâsına mutâbık beyyine taleb olundu zimmîlerden Yani b. Todora diğer Yani b. Dimitri şehâdet edip dediler ki mezkûr Yani mezkûr Kurd’u muhkem let eyledi ve bıçak ile mezkûrun elinden idekesti amma soğluduğun görmedik deyicek şehâdetleri hayyiz-i kabûlde vâkī‘ olup sicil olundu. Tahrîren fî evâsıtı Saferi’l-muzaffer li sene isnâ ve erba‘în ve tis‘a mi’e. Şuhûdü’l-hâl: Kurt b. Zağnoz, Marzo b. Nikola, Sarı Papaz b. Dimitri, Gürçe b. ( ) ve gayruhüm.