Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 281 Hüküm no: 684 Orijinal metin no: [80a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Cemal’in Mehmed’i öldürenlerle birlikte olduğu Sebeb-i tahrîr-i sicil budur ki Yahya b. Hasan Bey mahfil-i şer‘a gelip bilesine Cemâl nâm kimesneyi ihzâr edip üzerine takrîr-i da‘vâ kılıp dedi ki mezbûr Cemâl eniştem Mehmed’i katl eden Ahmed ve Emrullah ve İbrahim nâm kimesneler ile bile katl eyledin dedikde mezbûr Cemâl’den istifsâr olundukda bi’l-mukābele inkâr eyledi gıbbe’l-inkâr beyyine taleb olunup udûl-i müslimînden Mustafa b. Seydî Fakī ve İbrahim b. Mustafa edâ-i şehâdet edip dediler ki biz şâhidleriz ve şehâdet dahi ederiz ki mezkûr Cemâl merhûm Mehmed’i katl eden mezbûrlar ile bile idi deyû şehâdet eylediler şehâdetleri ba‘de’t-tezkiyye ve’t-tahlîf-i âdî hayyiz-i kabûlde vâkī‘ olup sebt-i sicil olundu. Tahrîren fî 17 Saferi’l-muzaffer li sene 942. Şuhûdü’l-hâl: Ali b. Musa, Ebri b. Yusuf, Mustafa b. Yusuf, İmâm b. Mehmed ve gayruhüm.