Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 293 Hüküm no: 717 Orijinal metin no: [86a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yeniçeri Hüseyin b. Abdullah’ın Memi Çelebi b. Mustafa’yı vekil tayin ettiği Sebeb-i tahrîr-i sicil budur ki Karye-i Bulgurlu’dan Memi Çelebi b. Mustafa şer‘-i şerîf[e] hâzır olup takrîr-i merâm kılıp dedi ki üveyi babam Yeniçeri Hüseyin b. Abdullah sefere gittiği vakt beni bunda cemî‘ husûsuna vekîl eyledi deyicek takrîrine muvâfık beyyine taleb olundu udûl-i müslimînden Hamza b. Veliyüddin ve müezzin Musa b. Kutbeddin ve Burhan b. Hasan şehâdet-i şer‘iyye kılıp dediler ki biz şâhidleriz şehâdet dahi ederiz ki mezkûr Yeniçeri Hüseyin mezkûr Memi[’yi] cemî‘ husûsuna vekîl-i mutlak eyledi deyû şehâdet eylediklerinden sonra şâhidûn-ı mezbûrûn şehâdetleri ba‘de’t-tezkiyyeti’ş-şer‘î ve’t-tahlîfi’l-âdî hayyiz-i kabûlde vâkī‘ olup sicil olundu. Tahrîren fî evâili Rebi‘ilevvel li sene isnâ ve erba‘în ve tis‘a mi’e. Şuhûdü’l-hâl: Ali b. Veli, Nasûh b. Hasan, Âşık b. Hasan, Ali b. Musa, Ahmed b. Yunus ve gayruhüm.