Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 294 Hüküm no: 719 Orijinal metin no: [86b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hakverdi b. Durahan’ın evini borcuna karşılık altı ay vade ile Eynehan b. Osman’a sattığı (bey‘-i vefâ) Vech-i kaziyye budur ki Hakverdi [b.] Durahan Eynehan b. Osman ile şer‘-i şerîfe hâzırân olup mezkûr Hakverdi bi’l-mukābele ikrâr ve i‘tirâf kılıp dedi ki Bulgurlu mahallesinde mülkiyyet üzre mutasarrıf olduğum bir evim hayat ile [ma]hdûd ınde’l-ahâlî ma‘lûmdur bundan akdem mezbûre Hakverdi’ye [Eynehan’a] yedi yüz akçe lâzımü’l-edâ deynim vardır zikr olan evimi mezkûr Eynehan’a altı aya bey‘ bi’l-vefâyla bey‘ eyledim altı aya değin meblağ-ı mezbûr yedi yüzü mezkûr Eynehan’a verirsem veririm vermezsem evim anın ola deyicek sonra kaziyye mâ hüve’l-vâkī‘ sicil olundu. Tahrîren fî evâili Rebi‘ilevvel sene 942. Şuhûdü’l-hâl: El-Hâc Süleyman b. Abdi ve Ali b. Musa ve Mustafa b. Abdullah ve gayruhüm.