Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 296 Hüküm no: 723 Orijinal metin no: [87a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Evhad b. Osman’ın Selman Ağa Vakfı’na ait iki kervansaray ve bir dükkânı kiraladığı Sebeb-i tahrîr-i sicil budur ki Selman Ağa evkāfına nâzır olan Budak şer‘-i şerîfe gelip bilesine Evhad b. Osman’ı ihzâr edip üzerine takrîr-i merâm kılıp dedi ki mezkûr Selman Ağa’nın çarşıda iki kervansarayını ve bir dükkânı işbu sene isnâ ve erba‘în ve tis‘a mi’e Rebi‘ilevvel gurresinden ilâ-tamâmi’s-sene yedi yüz akçe icâreye verdim deyicek mezkûr Evhad dahi bi’l-mukābele icâre-i mezbûru kabûl edip sicil olundu. Tahrîren fî gurreti Rebi‘ilevvel li sene isnâ ve erba‘în ve tis‘a mi’e. Şuhûdü’l-hâl: Ali b. Musa, Durmuş b. Dündar, Ahmed b. Mahmud, Eynehan b. Osman ve gayruhüm.