Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 306 Hüküm no: 752 Orijinal metin no: [91b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İbrahim Ağa Vakfı’ndan Durbâli b. İbrahim’e ödünç verildiği Vech-i tezkire budur ki Durbâli b. İbrahim İbrahim Ağa evkāfına câbi olan İbrahim b. Gündüz ile şer‘-i şerîfe hâzırân olup mezkûr Durbâli bi’l-mukābele ikrâr ve i‘tirâf kılıp dedi ki evkāf-ı mezbûra karz-ı hasenden vâcibü’l-edâ yedi yüz akçe Şevvâl gurresinden deynim vardır deyicek mukırr-ı mezbûru mukarrun lehü’l-mezkûr İbrahim tasdîk edip kaziyyeleri mâ hüve’l-vâkī‘ sicil olundu. Tahrîren fî evâhiri Rebi‘ilevvel sene 942. Şuhûdü’l-hâl: Burak b. Reis, Şekûr Halîfe b. Şeyh Sevindik, Sinan Halîfe b. Turud, Süleyman b. Dâvud.