Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 307 Hüküm no: 753 Orijinal metin no: [92a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Todora b. Andriye’nin bahçesindeki asmanın Dimitri b. Todora’nın evine zarar verdiği Sebeb-i tahrîr-i sicil budur ki Karye-i Çengel’den Dimitri b. Todora, Todora b. Andriye ile şer‘-i şerîf meclisine hâzırân olup üzerine takrîr-i da‘vâ kılıp dedi ki bundan akdem mezkûr Todora’nın evi civârında bir mikdâr yer aldım ev binâ etmeli olduğumda mezkûrun evi kurbunda vâkī‘ olan asma benim evime zarar eder deyicek müslümanlardan ve zimmîlerden üzerine varılıp es-sulhu hayrun ile amel olunup mezkûr To[do]ra’nın eşiği dibinden mezbûr Dimitri’nin binâ eylediği evi kapısına varınca dört arşın ve ondan tarîk-i âmdan cânibe varınca üç arşın ve münâza‘at kayd olan direkleri dahi ref‘ olunmasına mezkûr To[do]ra râzı olup tarafeyn-i mezkûrân zikr olan ıslâh kabûl edip kaziyyeleri mâ hüve’l-vâkī‘ talebleriyle sicil olundu. Tahrîren fî evâhiri Rebi‘ilevvel li sene 942. Şuhûdü’l-hâl: Kefale b. Papaz, Papa Ya[ni] b. Nikola, Dimitri Kethüdâ, Manol b. Doğan, Manol b. Kefale, Gore b. Demirci ve gayruhüm.