Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 309 Hüküm no: 759 Orijinal metin no: [92b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kosta b. Lavod’un Emir b. Çepni’ye borçlu olduğu Vech-i kaziyye budur ki Emir b. Çepni şer‘-i şerîfe karye-i Çengel’den Kosta b. Lavod ile şer‘-i şerîf mahfiline hâzırân olup mezkûr Kosta bi’t-tav‘ ve’r-rızâ ikrâr ve i‘tirâf kılıp dedi ki işbu ihdâ Muharrem gurresinden mezbûr Emir b. Çepni[’ye] iki bin beş yüz altmış karz-ı hasen ve üç yüz kırk dahi âsumânî çuka bahâsından cem‘an iki bin dokuz yüz akçe deynim vardır deyicek mukırr-ı mezbûru mukarrun lehü’l-mezbûr Emir b. Çepni tasdîk edip kaziyye mâ hüve’l-vâkī‘ sicil olundu. Tahrîren fî evâhiri Rebi‘ilevvel sene 942. Şuhûdü’l-hâl: Behlül b. Süleyman, Kılavuz b. Aslıhan, Mustafa b. Mehmed, Andriye b. Samandıra ve kâtibü’l-hurûf.