Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 338 Hüküm no: 848 Orijinal metin no: [104b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Satın aldığı çiftliği elinden alınan Emir b. Mustafa’nın Kadıköy âmili Ali b. Abdullah’tan parasını geri istemesi Hüccet yazıla Sebeb-i tahrîr-i sicil budur ki Emir b. Mustafa meclis-i şer‘a gelip bilesine Ali b. Abdullah ihzâr edip üzerine takrîr-i da‘vâ kılıp dedi ki bundan akdem iki bin üç yüz akçeye bana bir çiftliği bey‘-і örf ile bey‘ edip hâliyâ Mustafa nâm kimesne zikr olan çiftliğe müstahık çıkıp hükm-і Kadı ile elimden aldı hâliyâ akçem taleb ederim deyicek mezkûr Ali’den istifsâ[r] olundukda bi’l-mukābele cevâb verip dedi ki zikr olan çiftliği senden müstahık çıkıp aldıklarından sonra meblağ-ı mezbûr iki bin üç yüz akçeyi mezbûr Emir b. Mustafa’ya verdim teslîm eyledim şâhidlerim vardır üç güne mühlet verin getireyin deyicek üç güne mühlet-і şer‘î verilip üç gün tamâm oldukda ikāmet-і beyyineden âciz ve kāsir olıcak meblağ-ı mezbûr iki bin üç [yüz] akçe mezbûr Emir b. Mustafa’ya hükm olundu ve mezkûr Ali karz-ı hasenden mezbûr Emir b. Mustafa’ya vâcibü’l-edâ bin akçe deynim vardır ve elimde olan müfettiş kadısından aldığım hüccet dahi mukayyeddir deyicek kaziyye alâ vukū‘ihi bi’t-taleb mezbûr Emir talebiyle sicil olundu. Tahrîren fî evâhiri Rebi‘ilâhir li sene 942. Şuhûdü’l-hâl: Hoca Odel b. Bahşî, Sinan b. Mehmed, Hamza b. Mustafa, Yusuf b. İbrahim, Abdi b. Yusuf ve Ramazan b. Ahmed ve Yusuf b. Halil, Hızır b. Sinan ve gayruhüm.