Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 339 Hüküm no: 849 Orijinal metin no: [105a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İstati b. Manol ile Lazari’nin içki bedeli davasından sulh oldukları Sebeb-i tahrîr-i sicil budur ki İstati b. Manol nâm [zimmî] meclis-i şer‘a gelip bilesine karye-i Kadı’dan Lazari nâm zimmîyi ihzâr edip üzerine takrîr-i da‘vâ kılıp dedi ki bundan [akdem] mezkûr Lazari ile iştirâk mukāta‘aya tuttuğumuz meyhâneden benim hisseme müteveccih olan hamr bahâsından bin iki yüz akçem vardır hâliyâ taleb ederim deyicek mezkûr Lazari’den istifsâr olundukda bi’l-mukābele cevâb verip dedi ki mezkûr İstati’nin da‘vâ ettiği husûsu üç yüz akçe verip bundan [akdem] ıslâh eylemiştik deyicek takrîrine muvâfık beyyine taleb olundukda Kosta b. Dranoz ve Kosta b. Yani şehâdetleriyle sâbit olup sicil olundu. Tahrîren fî evâhiri Rebi‘ilâhir li sene isnâ ve erba‘în ve tis‘a mi’e. Şuhûdü’l-hâl: Papa Yani b. Nikola ve Kosta b. Marko, Mustafa b. Abdullah, Manol b. Serendi, Manol b. Yani ve gayruhüm.