Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 340 Hüküm no: 853 Orijinal metin no: [105b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Todora b. İstefani’nin kaybolan Zekeriya Kadıoğlu Yusuf’a borçlu olduğu Sebeb-i tahrîr-i sicil budur ki Yava zâbit[i] olan İskender b. Abdullah meclis-i şer‘a gelip bilesine Todora b. İstefani[’yi] ihzâr edip üzerine takrîr-i da‘vâ kılıp dedi ki bundan akdem Zekeriya Kadıoğlu Yusuf gaybet-і münkatı‘la gāib olup karz-ı hasen sende beş yüz akçesi olup hâliyâ taleb ederim deyicek mezkûr Todora bi’l-mukābele cevâb verip dedi ki meblağ-ı mezbûrun üç yüz akçesin bundan akdem mâl-ı gāibciye ve iki yüz akçesin sâbıkan sâhibine teslîm eyledim deyicek mezkûr İskender meblağ-ı mezbûrun üç yüz akçesin mâl-ı gāibciye teslîm eylediğine mukır ve mu‘terif olup iki [yüz] akçesin sâhibine teslîm eylediğine mezkûr Todora’dan beyyine taleb olundukda beyyineden âciz ve kāsir olıcak meblağ-ı mezbûr iki yüz akçe mezkûr İskender b. Abdullah[’a] hükm olunup alâ vukū‘ihi bi’t-taleb sicil olundu. Tahrîren fî evâhirі Rebi‘ilâhir li sene isnâ ve erba‘în ve tis‘a mi’e. Şuhûdü’l-hâl: Kara Yusuf b. Abdullah ve Kāsım b. Abdullah ve Ramazan b. Ahmed, Mustafa b. Mehmed ve gayruhüm.