Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 345 Hüküm no: 863 Orijinal metin no: [107a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ali b. Emir’in Kürkçü Yani’den alacaklı olduğu Sebeb-i tahrîr-i sicil budur ki Ali b. Emir meclis-i şer‘a gelip bilesine Kürkçü Yani b. Yorgi ihzâr edip üzerine takrîr-i da‘vâ kılıp dedi ki karz-ı hasenden sende beş yüz kırk akçem vardır hâliyâ taleb ederim deyicek mezkûr Kürkçü Yani’den istifsâr olundukda bi’l-mukābele inkâr eyledi gıbbe’l-inkâr müdde‘î-і mezbûrun da‘vâsına muvâfık beyyine taleb olundukda udûl-і müslimînden Memi b. Mehmed ve Sinan b. Abdullah şehâdet-і şer‘iyye kılıp dediler ki biz şâhidleriz ve şehâdet dahi ederiz ki mezkûr Ali b. Emir’in karz-ı hasenden mezkûr Kürkçü Yani zimmetinde beş yüz kırk akçesi vardır deyû şehâdet eylediklerinden sonra şâhidân-ı mezbûrânın şehâdetleri ba‘de’t-tezkiyye hayyiz-і kabûlde vâkī‘ olup sicil olundu. Tahrîren fî evâhiri Cemâziyelâhir sene isnâ ve erba‘în ve tis‘a mi’e. Şuhûdü’l-hâl: Bâli b. Aslıhan, Burhan b. Hasan ve Hızır b. Ahmed ve Mustafa b. Mehmed.