Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 345 Hüküm no: 864 Orijinal metin no: [107b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yusuf b. Mahmud’un Muhyiddin Halife Vakfı’na borçlu olduğu Sebeb-i tahrîr-i sicil budur ki Muhyiddin Halîfe evkāfına sâbıkan mütevellî olan Emir Halîfe b. Resûl nefs-і Üsküdar’dan Yusuf b. Mahmud ile hâzırân olup bi’l-mukābele takrîr-і merâm kılıp dedi ki mezkûr Yusuf b. Mahmud’da müşârün-ileyhin vakıf akçesinden dört yüz kırk beş akçem vardır hâliyâ taleb ederim deyicek mezkûr Yusuf b. Mahmud’dan istifsâr olundukda bi’l-mukābele ikrâr eyledikden sonra meblağ-ı mezbûra Üsküdar emîni Mustafa b. Abdullah târih-і kitâbetten dokuz aya kefîl bi’l-mâl olup sicil olundu. Tahrîren fî evâhiri Cemâziyelevvel sene isnâ ve erba‘în ve tis‘a mi’e. Şuhûdü’l-hâl: Yörük Ali b. ( ), Emir b. Mustafa ve Ali b. Emir, Behlül b. Süleyman, Şaban b. Ali ve gayr.