Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 363 Hüküm no: 910 Orijinal metin no: [114a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Süleyman b. Davud’un câriye Hurşid’e işçilik ücretinden borçlu olduğu Sebeb-i tahrîr-i sicil budur ki Hurşîd nâm câriye Süleyman b. Dâvud ile şer‘-i şerîfe hâzırân olup mezbûre Hurşîd bi’l-muvâcehe ikrâr ve i‘tirâf kılıp dedi ki altı yıl hizmet etmeğe bin akçe kavl edip hizmet ederim hâliyâ iki yüz üç akçesin verip bâkī zimmetinde yedi yüz doksan yedi akçe kaldı deyicek mezkûr Süleyman bi’l-muvâcehe tasdîk edip tescîl olundu. Tahrîren fî evâsıtı Cemâziyelâhir sene isnâ ve erba‘în ve tis‘a mi’e. Şuhûdü’l-hâl: Mustafa b. Mehmed, Bâli b. Aslıhan ve Hızır b. Ahmed ve Ramazan b. Ahmed ve gayruhüm.